Papa Frangiscu
29 maggio 2015 di Redazione
di Franco Melissano
© Pasquale Urso: La processione del santo (Incisione)
Nu papa te cussì nu ss’ia mai vistu,
cu ddice pane a ppane e vinu a vvinu,
cu ddice “Basta quantu n’imu chinu,
sonnu la Chiesa povera te Cristu”!
E sta rrevota tuttu quantu, quistu!
Se nde futte te manti e te latinu,
vole ssape te comu lu quattrinu
gira a llu Ioru, quale ete lu cquistu.
Va’ ttelefuna a ccasa a lli cristiani,
te scrive a lli scrutèi e volterriani,
’ntra lli cumenti rimasti vacanti
vole li rifuggiati e li micranti.
La curia nun à ffattu bonu ccattu:
quistu è Frangiscu te nome e te fattu.
Pacman
Nostradamus
Magical Cat Adventure
Snake