QUANTU C’E’ DI CAMINARI?
Scusate perdonate con rispetto
non fu cosa pi farivi dispetto
c’era scuru carestia e suspettu
parramu o ventu fu come non detto
E allora addiu ni misimu ‘ncaminu
strata facennu a usu beduini
cunfusi e persi comu ‘mbriachi i vinu
a la ventura iamu a lu destinu
Unni unni unni
quantu c’è di caminari
Vaiu pi mari e nesciu abbruciatu
vampa ri celu e sugnu vagnatu
staiu a stu munnu com’un ci stessi
m’hannu misu a lu libbru di dispersi
Acqua davanti e ventu d’arreri
a qualchi banna ch’amu arrivari
n’iccamu dintra un fossu a ripusari
e centu cani si misiru abbaiari
Camina cori miu ‘un ti firmari
ammatula ca chianci ‘un po’ turnari
a beddra facci di ddu gran curnutu
c’era un signali e l’avemu pirdutu
Unni unni unni
quantu c’è di caminari
Semu genti assicutata e stanca
sta terra gira sempri a manu manca
circamu casa travagghiu e spiranza
diciti unni c’è locu unni c’è stanza
Unni unni unni
quantu c’è di caminari
Mastru voscenza cu lei parru
lei ca riri e un pari sbannutu
nu dicissi accussì pi cortesia
qua è la strata qual è la via?
NICOLA LO BIANCO
Archiviato in:le poesie di nicola