di Lele Mastroleo
Giulia Terracciano, "Calda notte" (olio su tela)
…dumma la luna stasira…
…dumma la luna stasira, vecchiu sacrestanu te lu cielu,
minti lu saliscinni allu core e mparime lu postu te le chiai,
fanne te le stelle ‘n cielu per lu pettu sou nu russu velu,
e le fiaccule te lu sonnu mandali stanotte sinu crai.ca tutta la mia anima s’ave ripusare allu jentu,
passa puru diavulu te lu triste turmentu,
e nu ne turnare cchiui da sotta casa allu miu amore
ca tene bisognu sulu te la fantasia e te lu calore,dumma la luna,vecchiu sacrestanu te lu surrisu,
e appena l’occhi soi sannu chiusi picca picca,
manda lu raggiu chiu bellu cu lli llumina lu visu
e dinne allu Signore cu lla fazza tantu ricca,cusì tutti li ancili te lu Creatore ni ccarezzine la frunte,
ca tutti li pittori te l’universo ‘mparu nu riescanu mai,
cu fannu taleqquale……e ieu nzinucchiatu cu lu core strascinatu
subbra lu destinu te miseru nnamuratu,
ca pe nu mumentu sulu te l’occhi toi,
me arderei viu….