No ‘na machina cchiù, né ‘na perzuna,
ma ‘u mari davanti e sup’ ‘o celu, ‘a luna.
Nu rèfulu di ventu m’annacava
ed eu comu ‘na piuma… eu volava!
Mo’ era sup‘ ‘a terra, mo’ sup‘ ‘o mari,
vidia jiri l’undi… lenti… e poi tornari…
Accedi, petri, arburi eu ‘ncuntrava
e quandu supa ‘i casi poi passava
d’ ’a genti ormai stanca ‘i lavurari
sentia pochi suspiri duci e tanti amari.
… E tutt’a ‘na vota ‘i vitti arrivari
d’ammenz’ ‘e rami d’i livari,
comu farfalli ‘i milli culuri
chi mi guardavanu cu tantu amuri.
Nudu parrava, ma eu ormai ’u sapia
ca ognunu ‘i d’idi giá ‘i canuscia
tutti i sacrifici mei, tutti i me’ peni.
‘Mpatti dissiru sulu: “Ndai ‘u ti ‘nda veni!”
Nci cuntai di figghi… di niputi…
Di dericati sicchi. Ormai perduti.
Mi guardaru senza ‘u dinnu nenti,
e ad unu ad unu… lenti… lenti…
si ‘nda tornaru pe da ‘nte livari
e mi dassaru sutta ‘a luna a penzari,
c’u ventu chi ancora jia e venia
facendumi nu pocu ‘i cumpagnia…
…Poi a ‘na vota tornaru i rumuri,
i luci, i machini, i perzuni.
Eu mi levai e ‘a decisioni ‘a fici:
conzai com’ ‘o ventu ddu’ valici.
Mo’ certu tutti penzanu chi vonnu,
ma pe mia ‘on potia restari cchiù
NU SONNU!
* Poetessa e sognatrice