Christoffer Wilhelm Eckersberg (1783-1853) - Woman Standing In Front Of A Mirror,1841
'O SPECCHIOTe fa vedé dduje uocchie chine 'e chianto,te fa vedé 'na lacrema che scenne,te fa vedé che ttiene dint''o core,te fa capì 'na gioia o 'nu dulore!Te fa capì addo stà 'na bbona via,te fa capì 'a tristezza o ll'alleria,te fa capì chi si', che vaje truvanno,te fa capì si overo staje sbaglianno!Te fa capì - si 'o guarde tutt''e juorne -che vo' significà 'a parola "scuorno"!Te fa capì - pure senza parla'-si dice 'na buscia o 'na verità!
Piero Catalano
Piero è autore di profonde poesie in lingua napoletana di cui abbiamo già visto la poesia 'NTERR' 'O MARE