Su Cunsìgiu comunale de Sàrdara at
aproadu una delìbera chi pedit a sa Regione sarda de si mòere pro
chi in Sardigna si atuet sa lege 482 chi amparat sas limbas de sas
minorias. E at mandadu una lìtera a sos sìndicos e a sos
presidentes de sas provìntzias, firmada dae su sìndicu de sa bidda,
Giuseppe Garau, cumbidende·los a
una atzione cumune. “Una
dii s'iaus a podi agatai a arrespundi a fillus e nebodis nostus de su
poita eus lassau morri sa lìngua de Babbus nostus” iscriet Garau.
Sa delìbera
S'Aministratzioni Comunali de Sàrdara
at postu intre is obbietivus polìtigus s'amparu de sa lìngua nosta.
Si scit ca su Sardu arriscat seriamenti de si sperdi po mori de
s'intrada in crisi de sa trasmissioni de una erèntzia a s'àtera.
Pensaus duncas chi non si potzat prus fai de mancu de ddu fai intrai
in scola in s'oràriu normali paris a is àteras disciplinas. Sa lei
482/99, a s'art. 4 rètzitat: “
Nelle scuole materne dei comuni
di cui all'articolo 3, l'educazione linguistica prevede, accanto
all'uso della lingua italiana, anche l'uso della lingua della
minoranza per lo svolgimento delle attività educative. Nelle scuole
elementari e nelle scuole secondarie di primo grado è previsto anche
l'uso della lingua della minoranza come strumento di insegnamento”.
Duncas sa lei
“previdit” e po podi fai su chi est previdiu, sempri su pròpiu
artìculu narat: “
Al momento della preiscrizione i genitori
comunicano alla istituzione scolastica interessata se intendono
avvalersi per i propri figli dell'insegnamento della lingua della
minoranza.” Est craru ca custu ddu depit pregontai sa scola in
su mòdulu de iscritzioni, aici cumenti sutzedit, po nai, po s'imparu
de sa religioni catòlica. A custu pretzetu gia de diora si
cunfromant is scolas Friulanas anca esistit che innoi etotu una
situatzioni de bilinguismu imperfetu.
S'aministratzioni
at duncas delibberau in Consillu Comunali de cumbidai sa
RAS/Assessori a sa Cultura, Comissioni a sa Cultura e “L'Osservatorio
regionale lingua e cultura sarda” po s'ativai cun s'Ufìtziu
Scolasticu Regionali po chi donit inditus pretzisus a is Diretzionis
Didàticas de s'ìsula, giai po s'annu scolàsticu 2013/2014, po su
chi spetat a su dispostu de lei arremonau, e duncas fruniri su mòdulu
de pre-iscritzioni de sa pregonta de si avalessi po is fillus de
s'imparu de sa lìngua sarda.
Bosu pregontu
duncas, po tenni prus fortza, de assumi de pròpiu initziativa. Una
dii s'iaus a podi agatai a arrespundi a fillus e nebodis nostus de su
poita eus lassau morri sa lìngua de Babbus nostus.
Cun sa seguresa de
agatai sa sensibbilidadi giusta, Bosu torru gràtzias e profitu de
s'ocasioni po saludai.
Giuseppe Garau,
sìndigu de Sàrdara