A Gesù Bamminu

Signuruzzu beddu beddu

chi da lu celu scinnisti

pi nasciri nta la grutta e nta la pagghia

p‘abbrazzari tutti li puvireddi,

pussissura e senza nenti

e dunari la ricchizza di l’eterna libertà.

Ciatu veni a dari a li picciriddi,

dignità a li fimmini di li masculi suggetti,

travagghiu e spiranza a l’omini abbattuti.

Lu munnu t’aspittava p’aviri paci,

i sapienti pi putiriti capiri,

lu populu pi putiriti amari.

E tu vinisti nill’umiltà pi fariti accittari,

pi dari a ognuno un ciatu d’amuri,

pi li cori afflitti sullivari.

Dunaci  a razia d’incuntrariti

a ogni passu chi facemu

e di ricanusciti in ogni omu chi videmu.

Pirchì tu dicisti chi dunni c’è

un poviru, un carciratu, un furasteru

in ognunu d’iddi ci si tu.

Bamminu Gisuzzu duci duci,

ti vogghiu abbrazzari e strinciriti a lu pettu

pi bruciari d’amuri e essiri u me dilettu.

A Gesù Bambino

Signore bello bello

che dal cielo sei sceso

per nascere nella grotta e nella paglia

per abbracciare tutti i poverelli,

possessori e senza niente

e donare la ricchezza dell’eterna libertà.

Vigore vieni a dare ai bambini,

dignità alle donne dai maschi sottomessi,

lavoro e speranza agli uomini delusi.

Il mondo t’aspettava per avere pace,

i sapienti per poterti capire

il popolo per poterti amare.

E tu sei venuto nell’umiltà per farti accettare,

per dare a ciascuno un soffio d’amore,

per i cuori affranti sollevare.

Donaci la grazia d’incontrarti

a ogni passo che facciamo

e di riconoscerti in ogni uomo che vediamo.

Perché tu hai detto che dove c’è

Un povero, un carcerato, un forestiero

In ognuno di loro ci sei tu.

Bambino Gesù dolce dolce,

ti voglio abbracciare e stringere al mio petto,

per bruciare d’amore ed essere il mio diletto.

(Salvatore Agueci)