Cu na giacca vecchia e le scarpe caruttate
an giru allu paese se nde scìa,
cusine, passava le sciurnate
percè cchiui na famija nù tanìa.Nu tanìa: né sordi, né fatica
e la muijere te casa ndìa cacciatu,
ia pansatu pìja u nzartu cu se mpica
ppe comu era propriu disperatu.
Ma poi, alla sventura s’ave tatu:
te quai e de dhrai scia cercandu acqua e pane:
muijerasa l’ìa propriu rruvinatu,
l’ìa misu a menzu a via comu nu cane.
Eppuru, tenìa nu core propriu beddhru,
“nu signore”, ticia ca era, u vicinatu:
ma te l’ura ca ìa persu u ciriveddhru
a mujere nu l’ave chiui suppurtatu.
E pansare… ca era tantu ‘nnamuratu:
l’amava e ppe lu bene ca ne ulìa,
ogni avere an facce sua nìa scritturatu
e ci sape dhru mumentu… cì bbùlìa
Ma dhra notte, suttu u friddu e sutta a nive
sta chiangìa percè era tuttu runciaddhratu,
e pansandu a n’ampa sutta u focalire
comu na candila s’à stutatu.
Josè Pascal e la sua scatola di latta anche quest’anno sostengono la VII EDIZIONE DEL CONCORSO INTERNAZIONALE DI POESIA “IL GALANTUOMO” 2013
Pacman
Nostradamus
Magical Cat Adventure
Snake