
I cursupini nosci
Erane ssùti, lassànnu a biblioteca, i cursupini nosci te nu tiempu ca pe gniunu fòsera esempiu allu mùnnu sanu, e su canusciuti: erane ssuti cu ne dannu jutu per fare d’esperienza eccezionale te lu centru-sinistra, ca sociale era pe votu nosciu ricevutu! Penzàra a tuttu: a li cuntanti s’ia postu VERDI cu eggiane sunanti, MICHELANGELO, quiddhu grande artista, pe u valore t’i sordi a prima vista, COLOMBO a lu scambiu t’oltremare, MANZONI a la cultura nazionale, LEONARDO mpàrau a GALILEO pe caparra a la scienza, dicu jèu, a stu quadrettu dàtu ja na manu cu vintimilalire lu TIZIANO. Dòppu e prime battùte te trumbòne t’u governu se vittera li fini: purtare MARX a spàssu cu MAZZINI e a stu puntu successe ribbelliòne ne llevàra, cussì, fidejussione e scìmme dritti alla svalutazione. Te ddhhi galantòmmini fidati sta risposta ìmu ricevuta, se munèta ète “carta stampàta”, pe dignità se suntu rritiràti e turnàra ‘lli libbri n’autra òta: cussì ssìu “l’anònima bancunòta”.
Pippi Toma (Maglie, 06/12/1977)
——————————————————-
