L’amore è ‘n’artalena

L’amore è ‘n’artalena

25 settembre 2013 di Pierluigi Camboa

Giuseppe De Nittis: L’amazzone al Bois de Boulogne, (1874 -1875 Olio su tela)

Fervìa, scattariscjiannu, an tra ddru vasu
E troni e furmini li ‘ssiane ‘e ‘ntru nasu
‘U core sou feritu minava sangu’ viu:
Ddra storia l’era ccisu, de veru, santu Ddiu!
Nui ne ‘ncazzamu, ridimu, scjiucamu,
Fessarie de ddo’ sordi ne cuntamu,
Mardicenze de chiazza, fause e ‘nvintate,
Ma ne cridimu ca su’ vere e ‘ssicurate.
Nu’ sulu l’ommu, ma puru ‘a fimmina tradisce
E tannu l’amore, comu ‘nu pisce, se ‘nfitisce…
Tante su’ le ‘nchianate e tante su’ le scise,
Ddru tradimentu lu ‘nfarinau e poi lu stise
Frittu an tra l’oju fattu de secce e calamari
Maru comu ‘a cunserva de pipirussi ‘mari,
Trimava comu ‘nu fuste finu sutta ‘u (v)ientu,
‘U core se sintìa ‘nferratu strittu du turmentu…
Ma quannu vitte ddrr’ancilu, beddra comu ‘a luna,
Se ‘ncorse ca era spicciata, quira vascia furtuna:
Mo’ sta tuttu priscjiatu de costi a ddra carusa,
Ma datu ca s’ha’ scaudatu, s’a tene scusa scusa.
Nun c’è ‘na donna sula: ci ‘a prima t’aie struttu,
Tocca ne acchi ‘n’autra, ca poi te conza tuttu.
‘A Zinaida Gippius ‘icia ca se ama ‘na sula fiata,
Ma an tra l’ongulu nu’ c’ede ‘na fava mmisurata.
E mo’ cu spicciu bonu, sai pocca cce te ‘icu?
Puru ca ‘u munnu pare ogne giurnu ‘nu nimicu,
‘Nu te minare a mare cu’ ‘na pisara: frena!
L’amore scinne e ‘nchiana, è comu a ‘n’artalena

//