La madonna dei mandarini

A madonna d' 'e mandarine
(di Ferdinando Russo)
   Un Opera in terracotta di Paolo Sandulli (c) che rappresenta   la Madonna dei mandarini. Che c'entra dite Voi ??? bè oggi mi è    arrivato un bustone di mandarini ... poi in Tv , lo stesso oggi, c'era   Servillo che la recitava... ancora mi sono sentito con Paolo     per la sua ultima mostra a Milano... così 1+1+1 ecco che ripesco    un vecchio post sulla Madonna dei Mandarini
   Con la poesia di Ferdinando Russo       Quanno ncielo n'angiulillo
nun fa chello c'ha da fà, 'o Signore int'a na cella scura scura 'o fa nzerrà. Po' se vota a n'ato e dice: -Fa venì San Pietro ccà! E San Pietro cumparisce: -Neh, Signò, che nuvità?
-Dint' 'a cella scura scura n'angiulillo sta nzerrato: miettammillo a pane e acqua pecche ha fatto nu peccato!
E San Pietro acala 'a capa e risponne: -Sissignore! Dice Dio: -Ma statt'attiento ch'ha da stà vintiquatt'ore!
L 'angiulillo, da llà dinto, fa sentì tanta lamiente.... -Meh, Signò, dice San Pietro,
pè sta vota... nun fa niente.
-Nonzignore! Accussì voglio!
Statte zitto! Dice Dio;
si no ognuno se ne piglia!
'N Paraviso cumann 'io!
E San Pietro avota 'e spalle.
Da la cella scura scura
l'angiulillo chiagne e sbatte,
dice 'e metterse paura!
Ma 'a Madonna, quanno ognuno
sta durmenno a suonne chine,
annascuso 'e tuttequante
va e lle porta 'e mandarinè.