N.H. (poesia)

di Pippi Toma

N.H.

È mortu l’N.H. Tal dei Tali,
cussì chiamatu pe ddh’ipocrisia
vantu e decoru te na burghesia
ca mpena pote minte li stivali.
-
Sta moda Nobil Homo ncora è via.
ca ‘ll’ottucentu ippe li natali
‘ffazza burdone ntornu ‘lli vancali
Te ci te nobiltà vera nascia;
-
cussì a lu burghese cu lu sordu,
pe arte, professione o pe sciocu,
oppure ‘lla pichessa t’altu bordu,
-
quannu la morte li porta a ddhu locu,
l’N.H. ddfrisca ddhu ricordu
e dave a ci rrimane degnu spogu.
-
(Pippi Toma, Maglie 7.12.1983)

---