…’nu ernedìa umbru…

15 novembre 2013 di lelemastroleo

Salvatore Leone: “Composizione di Frutta”, Olio su Tela, 30 x 60

…’nfilu corde te pinsieri
alla pennula te lu punente,
tantu cu luciscie nnu sabatu
te ‘nzalicu e nuli scure,
mentre ggiru l’abitu a lu giurnu
e chiutu a chiae puru ‘a luna;

e me ‘nfacciu te la loggia
ca eru vagnone ‘mbrazze ‘a mamma,
e sentu ‘rrivare nu rusciu luntanu,
ddhu sapure te ‘ranu stumpatu,
e te site catute te li rami,
ddhu ientu te gricìa e sale,
e le carizze te ‘na piccinna
date allu scusu, sutta ‘e scale.

E nnu capiscu percene
ma mme ricordu Leuca,
e ddhu respiru te sciroccu
ca mme ‘nsubbuja l’anima…