de Mario Pudhu
Fortza paris!
Una gente una limba una terra
In is séculos tenta a cadenas,
Irdorruta de ungas angenas
Bogat cara a su mundhu avilida.
Pesa! E bae in sa lughe a sa vida,
O Natzione de numen Sardigna:
Beridade prus santa e prus digna
Est chi líbbera sigas e sias!
Fortza paris e totus unios
De is Sardos sa mente e is coros:
Sa bandhera de is Bator Moros
Est s’idea, sa lughe, sa ghia!
Fortza paris…
O Sardigna donosa e galana,
Pinzellada de manu divina,
A giardinu ti peses de istima
Cun is Pópulos totu in sa paghe!
Chi si cumprat de s’Umanidade
Cudh’ispera de méngius destinu
Totu paris faendho camminu,
No prus gente cracada, oprimios!
Fortza paris e totus unios
De is Sardos sa mente e is coros:
Sa bandhera de is Bator Moros
Est s’idea, sa lughe, sa ghia!
Fortza paris…
Cantos Sardos gherrandho sunt mortos
Po onorare sa Pàtria nadia
Torrent bios un’àtera bia
Po si giare virtudes d’eroe!
Fae crèschere, o Sardu de oe,
Cudhu semen de frades tesanos:
Su destinu est iscritu in is manos
Si dhu’at bonu sentidu in is coros!
Fortza paris e totus unios
De is Sardos sa mente e is coros:
Sa bandhera de is Bator Moros
Est s’idea, sa lughe, sa ghia!
Fortza Sardos e totus unios
Cun sa mente e su coro a s’insigna!
Fortza paris, Natzione Sardigna,
Po chi líbbera sigas e sias!
_______________________________________
pronúncia
“Fortzabàrisi!
“Unagènte unalímba unadèrra
“Inisséculos tènta acadènas,
“Irdorrúta deúngas angènas
“Bogacàra assumúndhu avilída.
“PesaEbbàe insalúghe assavída,
“ONatziòne denúmen Sardígna:
“Beridàde prussànta eprurdígna
“Eschilíbbera sígas essías!
“Fortzabàris etótus uníos
“DeisSàrdos samènte iscòros:
“Sabbandhèra deírBator Mòros
“Essidèa, salúghe, sagghía!
“Fortza paris…OSardígna donòsa eggalàna,
“Pinzellàda demànu divína,
“Agiardínudibèser deistíma
“CunisPópulos tótu in sabàghe!
“Chisigúmpra ddessúmanidàde
“Cudhispèra deméngiur destínu
“Totubàris faèndhogammínu,
“Noprurgèntegracàda, oprimíos!
“Fortzabàris etótus uníos
“DeisSàrdos samènte iscòros:
“Sabbandhèra deírBator Mòros
“Essidèa, salúghe, sagghía!
“Fortza paris…CantosSàrdor gherràndho sunmòrtos
“Ponoràre saBàtria nadía
“Torrenbíos unàteraía
“Posijàre virtúder deròe!
“Faegrèschere, oSàrdu deòe,
“Cudhusèmen devràdes tesànos:
“Sudestínu estiscrítu inirmànos
“Sidhuabbónu sentídu iniscòros!
“Fortzabàris etótus uníos
“DeisSàrdos samènte iscòros:
“Sabbandhèra deírBator Mòros
“Essidèa, salúghe, sagghía!
“FortzaSàrdos etótus uníos
“Cunsamèntessugòro assinsígna!
“Fortzabàris, Natziòne Sardígna,
“Poghilíbbera sígas essías!”
Nota: grazie Mario per questo inno sardo. Da notare come si sia gli unici che anziché alzarsi in piedi mani sul cuore, si siedono a controllare la pronúncia e rendere il sardo in LSC… speremo bene.
Featured image bandiera sarda.
Pacman
Nostradamus
Magical Cat Adventure
Snake