“Sa limba” una poesia sarda de Mario Puddu

Si conto, o frade, it’est sa limba mia

no chirco sa grammàtica segura,

ma cosa chi che colat su nuraghe

e bantu ‘e sa natura e de su mastru.

Est s’olia chi creschet in s’ozastru,

òpera ‘e vida e símbulu de paghe,

pro tenner puru ateretanta dura,

distinta e bella e útile ebbia.

De terra, antiga, chentu raighinas

in d-unu truncu ndhe surzint s’umore

chi s’isparghet cun su matessi coro

in cambas e in naes e in chimas

e daet frutu ‘e únicu sabore,

sàpidu olorosu, lúghidu che oro.

 

 

Featured image, un olivo sardo dalla Rete, grazie all’autore caso mai passasse di qui.