T’amu senza speranzia

T’amu senza speranzia

21 ottobre 2013 di Pierluigi Camboa

Rocco Forgione: Pittura fresca

T’amu senza speranzia,
Tesoru mai cutùtu…
Nun ede ddru spiandore fuscjitìu
De ‘na ’nutile vampa de focu de pajia,
Ma ‘u stiddriscjiare ‘ternu
Du firmamentu ‘nteriu ca sparijia.
T’amu senza speranzia
E quira vìvita, babbariscjiante luce
De ddru surrisu beddru e puru duce
Ieu nun ci ‘a fazzu propiu cu te dicu,
Cu palore e cu versi, quantu vale,
Mancu ci ieu era Dante o ‘nu Muntale.
T’amu senza speranzia,
Ma si ‘u primu pinzieri de ogne matina
E lu sonnu custante de ogne notte china.
E me mmantene quiru pinsieri strambalatu
Ca nuddru amore è ‘nu disideriu vietatu
O ‘na furma de ‘ncretibbile fullia,
Percé sempre te tegnu ‘ntra l’anima mia.
T’amu senza speranzia:
Ma lu nu’ pozzu scunnire, ‘stu sentimentu,
Ca ‘ncora giovine sta face cu me sentu.
Certa ca ci me stia cittu era la meju cosa,
Ma me vidia vijiaccu: ‘nu minchia ca rriposa.
E ieu nu’ tegnu tubbi: si ‘a meju du munnu
Puru ca lu ngirava, moi, de capu an funnu.
Si l’aria ca rispiru, ‘nu donu du Signore:
De’ ‘sta vecchiaia mia tie si l’Amore!