“Megghiu nu diavulu centunzi ca nu sceccu ri tri dinari”
Mi riceva me nanna…
Ma si pensu ca pi fari ririri a tia maia vinniri iu tutti i me scagghiuna
Cetti voti criru ca era megghiu ca tirava pa me strata…!
Ma cu mo mannau a chistu? A sorti maliritta!
Beddu comu u ciuri di zagara ca si rapa appicca appica,
pi lassari u ciaru ro tempu chio duci…
E a mia stu ciaru, ora cu sentu, mi fa arrizzari i canni!
Acchiana raccussì, alleggiu alleggiu e poi di coppu… tuttu ni na vota!
Gira, vota e firria a cuppa però è sempri a mia!
Ma nun ti n’adduni poi ca iucari co me cori è comi ittari petri all’anniatu?
Alluoti ti scuzzulassutu poi a ghiessiri chiò ginirusu,
a lassarimi na parola,
na nuttata ri carizzi,
nu matrimoniu, quattru addevi…
E ‘nveci pi uora sugnu ca alliccari a sadda!
Fussutu pigghiatu ra rannula m’accunuttassi!
Nonsi! Si chiò masculu ro masculino!
Vero è ca cu viva ri spiranza mori rispiratu ma
chiddu ca ora s’aschifia, roppu s’addisia!
E iu mi ripeto ca aia fari comi fici u surci ca nuci,
darimi tempu ca prima o poi ti spirtusu!
Chi diri?
Pi ora a catta è malapigghiata!
Ma iu ca arrestu!
Calati junco ca passa la china…!
di Maricia Dazzi All rights reserved
Pacman
Nostradamus
Magical Cat Adventure
Snake