Chi äd vüätar é senza pchè .....

La dònna c’ha fât i corän äl marì (1-11) Gesü ‘l va vêrs èl mônt äd j’ülîv. Pò, la mäten’na bunura, al va intèl Tempi e la genta la’s ga müccia däturna. Lö ‘l sè seda e l’insegna. I dutûr e i farisei i gh portän ‘na dònna ch j’ävän cätè a cubi cum ‘n ätar e gh dižän: « Mäestar, j’han cätè cla dònna ché intèl fât. La Léggia ‘d Mosè la cmanda ‘d mäzèr a giärunädi èl dònni ca fa i corän äl marì. Te csa dît? ».
I ga džävn äcsé pr incäntunäräl. L’era ‘na gabula pr inguäitäräl. Mo Gesü äl guardäva par tèrra e cul dîd äl scriveva intla pura. E qùi là i siguitävän a tärulèr cum del dmandi. Älura Gesü äl leva sö la testa e ‘l dîž: « Chi äd vüätar é senza pchè, ca’l tira pur èl prim giarón ». Pò ‘l piga anmò la testa e ‘l siguìta a scrivar par tèrra. Sintì csé, tütti, von par von, i samän, a färas däi pü vècc’. Ägh resta änmè che Gesü e la dònna cl’era là in mèžža da lé. Gesü äl sè leva sö e ‘l ga dîž: « Indù enia ändè tütti? Donca, änsón t’ha cundanè? ».  La dònna la gh risponda: « Änsón, Signûr ». E Gesü: « Gnanca me ät cundân. Và, però dânt-in-ävanti, fà mîa pö un läûr cumpâgn ». (La Bon'na Növa cuntäda da Giuân)."

("La bon'na Növa cuntäda da Giuân 8,1-11


Da "La bon’na nòva". I 4 Vangeli e gli Atti degli Apostoli tradotti dal Vangelo canonico in borghigiano da Claretta Ferrarini – Gli Amici del Togo Fidenza - In brossure, formato 16,5 x 23,5 pp. 316