Cras eja contra a su nucleare in Sardigna

C'e' un sottomarino giallo in rada, pronto a salpare per emergere
in tutti i continenti del mondo, attende il messaggio che la Sardegna
 lancera' al mondo dopo il referendum cel 15-16 maggio contro il nucleare.
 E' un sommergibile a propulsione sonora, partira' dalla Sardegna
spinto dalla musica dei Beatles e dal canto a tenore, marcera' a passo di Rock e Dillu,
 alimentera' i suoi motori con la musica dei continenti
che tocchera'. Una navicella shardana sara' la sua guida
 di superficie e lo scotera' fino al largo.
Bonu viagiu e bona sorte a unu mundu prenu de pitzinnos sanos e alligros.

Cras e lunis in Sardigna si botat chi eja o chi nono a su fraigu de tzentrales nucleares e de giassos in uve pònnere s'arga atomica insoro. Est sa prima bia chi, a su chi isco, sos eletores sunt mutidos a leare unu pessu de gasi e siat in Itàlia e siat in Europa. Ma est finas sa prima bia chi in Sardigna b'at una unidade gasi manna pro un'issèberu chi pertocat sa soverania de su pòpulu sardu: totu sos partidos polìticos, totu sos moimentos culturales e polìticos, totu su Parlamentu e totu su Guvernu de Sardigna sunt de acordu pro nàrrere chi eja a sa pregunta fata: “Sei contrario all’installazione in Sardegna di centrali nucleari e di siti per lo stoccaggio di scorie radioattive da esse residuate o preesistenti?”Su traballu de su Comitadu règhidu dae Bustianu Cumpostu est istadu a primore e, una bia in sa bida, finas sos medias sardos sunt istados cumpatos bene informende sos eletores. Su guvernu sardu at fatu una cosa dèghida aunende su referendum cun sas botatziones in sas 97 comunas sardas. Totu, o de gosi o de gasi, punnat a una resessidas bona meda de su referendum de cras e de pustis cras. Ma no est gasi: pròpiu sa seguràntzia chi sa resessidas est a sas bistas podet trampare. Arguai a pensare “no at a èssere su botu meu su chi at a èssere pretzisu”. Brincare su 33 pro chentu de su belle milione e mesu de eletores sardos non est gasi punta a giosso, mescamente de pustis s'abusu fatu de referendum in uve cosas de gabale si sunt mesturadas a minutallas, infadende belle a totus.Mancu si andant a botare totu sos 313.929 interessados a sas eletziones comunales ant a bastare, bi cherent nessi mesu miliones de pessones chi andent a botare.