E sa Rai torrat a èssere s'Eiar fascista

Sos spot de sa Rai

E sa Rai torrat a èssere Eiar, che a sos tempos chi su fascismu gherraiat contra a sos dialetos invoghendesi a s'Unidade de Itàlia. Abistade e intendide custos chimbe spot chi s'Eiar de su 2010 est mandende custas dies. Si cumprendet mègius de milli àteros arresonos cale est s'idea de “unidade natzionale” chi tenet sa sienda culturale prus manna de Itàlia. E si cumprendet puru cantu mannu siat su disisperu de sos natzionalistas italianos, acurtziendesi sos 150 annos de sa chi li narant “Unidade de Itàlia”. Sos meres mannos de s'Eiar 2010 no ant tentu s'osadia de pònnere in custos spot birgungiosos allegas in sardu e in sas àteras 11 limbas no italianas, ma non càmbiat nudda de sa violèntzia polìtica e culturale de custos fascistas noos.