In Mòguru chistionende de sa Giudissa Lionora

Custu sàbadu chi benit, in Mòguru s'at a arresonare de una istatuedda imbenta in sa bidda marmiddesa e chi Gigi Sanna nd'aiat iscritu in custu blog (Scultura di Eleonora d'Arbareê a Mogoro? Forse) in su mese de Santandria de s'annu coladu. "Sa Giudissa Lionora a Mòguru?" est su tìtulu de s'addòbiu chi at a cumintzare a ora de ses e mesu de bortaedie in s'oratòriu de Santu Brannàdiu. A pustis de sos saludos de su sìndicu e de s'assessore de sa cultura, de su presidente e de s'assessore de sa cultura de sa Provìntzia de Aristanis, ant a faeddare s'istòricu Giangiàcumu Ortu, s'architetu Gigi Cannas e Gigi Sanna.