Poesia: E t’aggia arricurdà di Tina Piccolo

E t’he’ scurdato già comme se fà,

pecche mò,tu dice, è tiempo è parità….

Me guarde,staie umbruso,

alluonga ‘a mano

e ‘mpietto a trovo già,

che d’he’ sta pressa,

che vo dì sta smania

senza vase e carezze,

ma cosa ‘e pazze vaie

subbeto “all’attacco”….

Sò femmena,guagliò,nun te scurdà!

Si m’accarizza ‘a faccia

e me dice parole appassiunate,

si cu ‘a vocca toia me faie sunnà,

a freva aumenta,

appiccia ‘e vvene ,

‘nce porta ‘nfino ‘e stelle…

Toccame sta pelle ca m’abbrucia,

nu pizzeco,nu vaso,

n’ato ancora….

T’hè arricurdà

comme sò fatta overo,

e diceme ca me puorte int”o core….

A stessa cosa io faccio cu tte,

chist’è ‘o vero diritto ‘e parità….

E quanno sto svenenno ‘mbraccio a tte,

 pigliame cu tut”a frennesia,

vide che bella cosa

‘e fà l’ammore,

quanno ‘nzieme ‘o vulio

‘nce mitte ‘o core…..