Sa tumba de Su Picante

Est una manera galana de nche colare carchi oredda de sas vacàntzias andende a bisitare sa tumba de gigantes de su Picante, fraicada - a su chi narat s'archeòloga Paola Mancini chi l'at iscavada - intre su 1600 e su 1500 in antis de Gesugristos. A su chi li risurtat pertenet, de fatis, a sa facies de sa Turrìcula, sos monumentos in su sartu de Osilo chi sunt cunsiderados a su cumintzu de sa tziviltade nuraghesa.
In s'oru de su monumentu si sunt acatadas aneddas de collanas, discheddas, cantos de ossidiana e àteru puru. Sa tumba s'acatat faghende su caminu chi andat dae Cabu Cominu a Irgoli, imbuchende su caminu isterradu chi giughet a un'agriturismu. Su logus est connotu oe comente Jorghi Ufrattu.
A custu ispantu archeològicu l'apo dedicadu un video.