Su 'carrabusu' de Tharros. Gan Ba'anar figiu de Horus pipieddu naschidu dae su frore 'e su loto (parte II)

Dedicadu a Robe' pro 'Sa die 'e Sa Sardigna'
de Gigi Sanna
Ite nde nant - A pitzos de su carrabusu, agatadu in duna losa de sa tzittade 'e Tharross, ant chistionadu su canonigu  Johanne Ispanu, su cale pro primu (1862) at pubblicadu su documentu iscritu. In fatu de issu  F. Vattioni (1). Z.Garbini (2), Z. Sanna (3) e Aba Losi (4). A bisu meu, pro s'ermeneutica tenet importantzia su faeddare solu de sas urtimas tre 'essidas, cumintzende de s' interpretatzione epigrafica dada  dae Zuanne Garbini. S'istudiosu nos narat  chi sa duas partes iscritas (recto e verso) de su carrabusu bene andant cun sa cultura 'filistea' giai chì in duna parte, diat a essere in sas palas de su baballotti, s'agatat iscritu su numene de su deus Dagon (5) chi sighit a su nomene de b'al : dgnb'al. A s'ateru chirru Garbini pensat chi ddu siat una persone sena numene chi ddi nant bn (figiu de) ma de su cale est istau ismentigau su patronimicu (6) , diat a essere su numene de su babbu su.  Si cumprendet bene meda chi issu pensat chi sos sinnos  fatos in fatu de su bn non podet essere iscritura: est  parte  decorativa ebbia .
S' impressione e sa prima ipotesi nostra  in s' annu 2004 - In s'annu 2004,  faeddende de s'iscrittura nuraghesa e de custu carrabusu de Tharros,  amus naradu in limba italiana... [sighi a lèghere]