U "rriggitanu"

U "rriggitanu" esti un casu stranu
si non sta' bonu, ti duna puru a manu,
si nd’hai bisognu ti duna puru u cori,
e ti rispetta e tratta con onori.
Si viri chi tu passi, ti saluta
e ti dumanda di li cosi toi
“a signura sta bona, e i giuvinotti?
mi salutati tantu tantu assai!”
Non c’esti ricorrenza chi si sperdi
mi veni mi ti trova, to cumpari,
molla l’affari  e curri p’u doviri
“cumpari, u sapiti ch’è un piaciri!”
Ma si ti movi, camini  e fai a to strata
u rriggitanu pensa ch’è mbrogghiata
pensa chi cacchirunu ti iutau
pirchi sinnò non c’à potivi fari.
Si tu, cu sacrifici e sofferenze,
ti fai na casicedda p’i to figghi,
sicuru chi c’è mbrogghiu! chi rrobbasti!
...oppuru chi cu sapi chi facisti.
Si iddu viri a to figghia chi passia
cu nu figghiolu e u varda sorridenti
senti u doviri mi veni mi ti trova
mi ti saluta ...e mi ti cunta a cosa.
E si to figghiu trasi mi lavura
assuntu chi vinciu na selezioni,
è certu chi pavasti na mazzetta
oppuru chi sconzasti all’assessori.
U "rriggitanu" esti un casu stranu
si non sta bonu, ti duna puru a manu,
si nd’hai bisognu ti duna puru u cori,
...e veni o’ to funerali quandu mori!