In cheste edizion, che tache il 8 di Novembar e continue il 15-22 e 29, il Circul Culturâl Erasmo di Valvason a l'a il plasè di presentà al public dôs Compagnijes teatrâi che no si son mai esibidis a Voleson, a lôr a è dade la serade di vierte e sierade da Rassegne, si trate di "La pipinate" di Sclaunic e "Buine Blave" di ...Mortean. Ta prime serade la compagnie teatrâl, che e fa part dal Circul Culturâl e Ricreatîf “La pipinate”, e puartarà la comedie brilante “Mi tocje ancje paià las tasses” gjavade fûr dal test in talian di Roberto Fera e voltade par furlan da Maura Coppino e regjie di Giuseppe Serafini; il grop al è atîf dal 1980 e in ocasion da Rassegne teatrâl di Listize al propon ogni an une gnove rapresentazion teatrâl.
Il 15 di Novembar al sarà le volte dal Grop Art Filodramatica“Quintino Ronchi” di San Denêl, le compagnie e a une lungje tradizion teatrâl
cun origjinis fin dal 1967 e in chest mieç secul di vite e a metût in sene
almancul une cincuantine di oparis, dutis in furlan, cun spetacui daspò che in
Friûl ancje in numerosis citats talianàs e forestis. Il test da comedie in trê
ats “Fûr stagjon” al è stât scrit da Michela Romanello, component da stesse
Compagnie e la regjie a è di Gianfranco Milillo.
Si larà indevant il 22 di Novembar cun la Compagnie Teatrâl“Clâr di lune” di Bertiûl e le comedie “Sespis”, il test al è par cure de
compagnie e la regjie di Loredana Fabbro. Come in ogni comedie ancje in chest
test e saltin fûr une cierte morâl e cualchi riflession; in chest câs un barbe
benestant e vedran al vôl meti ae prove las gnecis atôr il pericul di pierdi la
ereditât, tra colps di sene, personaçs inspietâts e progjets a sorprese si
scuvierzarà che no simpri dut al è come cal po someà.
In conclusion de Rassegne, organizade in colaborazion de
Associazion Teatrâl Furlane, che met insiemi la plui part des compagniis
teatrâi amatoriâi de nestre Regjon, te serade dal 29 di Novembar le Compagnie
“Buine Blave” che non podeve no rivà da Mortean, e presentarà a Voleson une
comedie di Gianni Gregoricchio, comediograf furlan che nus a lassat tal 2007 e
che traviers i siei scrits in lenghe furlane al a simpri savût rivà tal cûr de
int ancje su dificii temis sociâi. Il spetacul dal titul “Alde dai fruts”, al
conte la storie di un personaçs intens e dramatics, Alde. che è al timp stes
candide te so semplicitât e tal so amôr pe vite, ma ancje passionâl, leade ai
valôrs di cheste tiere come le cjase, il fogolâr, la contentece da lis ridadis
dai fruts.
Ducj i spetacui e saran li da l'Auditorium des Scuelis Mezanis di Voleson as 8.30 sot sere.-
Pacman
Nostradamus
Magical Cat Adventure
Snake