Mena lu viento

Mena lu viento e lasselo menà

l’aria non se pote trattené;

le male lenghe lassele parlà,

ricitene quante ne vuliti.

Questa è la strada re li mali cunsigli;

non se vonne fa li fatti loro,

pozzene restà senza re li figli,

cu ‘sta guagliotta me vonne fà lassà!

Mena lu viento e lasselo menà,

facitamminne quante ne vuliti,

vene nu iuorno e nui facimmo pace:

O male lenghe, a lu ‘nfierno avita ì!