Su soli da sa libertade

Da’e su mare
benit sa vida,
da’e su mare;

Da’e su mare biniesint
sos padres mannos antigos
e da’e su mare
issos bivianta
nantis de iscoberri
sa ricca mamma terra
de Sardigna nostra.

Da’e su mare biniesint
sos amigos ambasciadores
in sos tempos de sa gloria
e da’e su mare biniesint
sos inimigos Romanos
conquistadores e distructores
e apustis
ateros avidos mercantes
a isfrutarnos, a bocirnos.

Ma isperu sempri
una die hat a luxere ancora
luegus de custu mari
su soli de sa libertadi!

In Bidd’e Sorris
s’ottu de su mes’e ladamini de su 1982