Tu ca nun chiagne

Comm'è bella 'a muntagna stanotte...
bella accussí, nun ll'aggio vista maje!
N'ánema pare, rassignata e stanca,
sott''a cuperta 'e chesta luna janca...
Tu ca nun chiagne e chiágnere mme faje,
tu, stanotte, addó staje?
Voglio a te!
Voglio a te!
Chist'uocchie te vonno,
n'ata vota, vedé!
Comm'è calma 'a muntagna stanotte...
cchiù calma 'e mo, nun ll'aggio vista maje!
E tutto dorme, tutto dorme o more,
e i' sulo veglio, pecché veglia Ammore...
Tu ca nun chiagne e chiágnere mme faje,
tu, stanotte, addó staje?
Voglio a te!
Voglio a te!
Chist'uocchie te vonno,
n'ata vota, vedé!...
Mai nessuna canzone ha reso così intensamente la nostalgia per un amore perduto, si percepisce il dolore che si prova quando si è innamorati e viene a mancare la possibilità di poter almeno vedere la persona amata. Una canzone che è fatta di pochi versi, ma che punta dritta al cuore di chi ha una ferita d'amore.
Scritta nel 1915 da Libero Bovio e musicata da Ernesto De Curtis